8(72156)64888

Қазіргі заман талабына сай роботты техника саласы күн сайын дамуда. Еліміз үшін бұл сала өте жас сала болып табылады. Алайда, Қазақстан дамыған елдер қатарына қосылу мақсатында ғылыми-техникалық прогресстің осы бір маңызды бағытынан құр қалмауда. Робототехника автоматтандырылған техникалық жүйелерді құрумен айналысатын қолданбалы ғылым болып табылады. Робототехника механика және жаңа технологиялар проблемасын жасанды интеллект проблемаларымен ұштастырады. Адамның жұмысын жеңілдету мақстаныда басқарылатын техникалар тізбегі күннен күнге дамып келеді. ҚР тұңғыш Президенті Н.Ә.Назарбаевтың жолдауында айтылған цифрлы технологияны қолдану арқылы құрылатын жаңа индустрияларды өркендетуге бағытталған жобаларды іске асыру мақсатында, Шахтинск қаласы әкімдігінің Ә. Бөкейханов атындағы мектеп-лицейі» КММ-де ІТ сыныбы ашылды. Осы бағытта «Робототехника негіздері» атты үйірме жүргізілуде. Робототехникаға жалпы мектебіміздің 60 оқушысы қатысады. Осы робототехника саласымен айналысу барысында оқушының бойында шығармашылық, кеңістікте ойлау, сыни ойлау және логикалық ойлау қабілеттері жақсы дамиды. Айта кетсек, аталған үйірмеде оқушылар математика, физика, информатика, биология және басқа да пәндер бойынша алған білімдері мен дағдыларын қолдана отырып, инженерлік дизайн және технология негіздерін жетік зерттейді. Одан әрі робототехникадан алған білімдерімен облыстық, қалалық, мектепішілік сайыстарға қатысып, тәжірибелерімен бөліседі. Соның бірі, «Білім Керуені» «Сaravan of Knowledge» жобасы аясында өткізілген «Роботты бағдарламала» атты Республикалық онлайн сайысы. Жалпы бұл сайысқа еліміздің барлық қалаларынан 90 қатысушы қатысқан. Жарыс робототехника, «Arduino», гидропоника, астрофизика, зымыран құру, робот жобалау, 3D- модельдеу деген тақырыптарға бөлінді. Бұл сайыста анықталған 30 сайыскердің ішінде мектеп-лицейіміздің 11 сынып оқушысы Акбутаев Жанарыс, жетекшісі Есенгелді Қ. жеңімпаздар қатарынан көрінді. Жанарыс «Arduino» тақырыбы бойынша ат салысып, сыйлыққа «Arduino» жиынтығына иеленді. Біздің мақсат - елімізде робототехника саласын дамыту, оның ішінде спорттық түрін өркендету, жастардың техникалық жаңа ойларын қолдау. Осы салада әлі талай белестерді бағындырып, республикалық, халықаралық жарыстарда оқушыларымыздан «олжалы боламыз» деген үлкен үміт күтеміз. Өсіп келе жатқан жас буынмен бірге бой көтеріп келе жатқан еліміздің робототехника саласының нәтижесінде адам өмірін жеңілдетуге арналған роботтарды күн¬делікті өмірде қолданатын уақыт алыс емес. Осындай бастамалар Қазақстанның болашағын жарқын етпек. Мектеп – лицейімізде өздік тәжірибе алмасу мақсатында, оқушыларымызға бағдарламалау мен робототехника негіздерін тереңірек оқытып, робототехника саласына деген оқушылардың қызығушылығын аттырып, болашақта білікті техникалық мамандықтарды иеленуге көмектесеміз. Заманға сай, жан-жақты, талантты шәкірт тәрбиелеу – біздің ең басты міндетіміз.
"Шахтинск қаласының білім бөлімі" мемлекеттік мекемесі 1 сыныпқа құжаттарды қабылдау және балаларды қабылдау ағымдағы жылдың 1 тамызына дейін жүзеге асырылатынын еске салады. Сіз мемлекеттік қызметті school.shahtinsk-edu.gov.kz порталы немесе egov.kz "электрондық үкімет" порталы арқылы ала аласыз. Қосымша ақпарат алу үшін сіз балаңызды тіркегіңіз келетін мектепке хабарласа аласыз.

2019-2020 оқу жылында өңірімізде ауыл мектептерінің арасындағы IQanat Республикалық олимпиадасының бірінші кезеңі өтті. IQanat олимпиадасының мақсаты оқушылардың білімін шыңдау, ұлттық және шетел университеттеріне түсулері үшін қолдау көрсету, ынталандыру болып табылады. Аталмыш байқауға Шахан, Новодолинка, Долинка, Северо-Западный ауылдарынан 50 шақты 9 сынып оқушылары физика, математика және ағылшын пәндерінен қатысып өз бақтарын сынап көрді. «IQanat білім беру қорының» аясында олимпиада демеушісі Руслан Нуруллин Шахтинск қаласы әкімдігінің № 8 жалпы білім беру мектебінің 9 сынып оқушысы Каминский Никитаға олимпиаданың екінші кезеңіне дайындалуы үшін моноблок сыйға тартты. Аталған моноблокты Каминский Никитаға Шахтинск қаласы білім бөлімі басшысының м.а. Ақмарал Сиджановна Мусина табыстады. IQanat олимпиадасының екінші кезеңі маусым айында өтеді деп жоспарлануда. Екінші кезеңнен сүрінбей өткен оқушылар Республикалық кезеңге жолдама алады.

2020 жылдың 1 маусымынан 30 тамызына дейін Шахтинск өңірінің жалпы білім беру мектептерінің 1 сыныбына баланы қабылдау үшін http://school.shahtinsk-edu.gov.kz порталында электрондық өтініш бере аласыз.

         1 сыныпқа қабылдау үшін келесі құжаттар қажет:

- туу туралы куәліктің электрондық көшірмесі (егер бала 2008 жылға дейін туылса);

- № 063/у нысаны бойынша баланың денсаулық жағдайы туралы құжаттың электрондық көшірмесі;

-  «Бала денсаулығы паспорты» № 026/у-3 нысаны бойынша баланың денсаулық жағдайы туралы құжаттың электрондық көшірмесі;

- баланың 2 данада 3х4 сантиметр өлшеміндегі цифрлық фотосуреті.

Ерекше білім берілуіне қажеттілігі бар балаларды білім беру ұйымдарына оқуға қабылдау үшін заңды өкілдерінің келісімі болған жағдайда педагогикалық-медициналық-психологиялық комиссияның қорытындысы қосымша беріледі.

         Көрсетілетін қызметті алушы белгіленген тізімге сәйкес құжаттардың толық емес топтамасын және (немесе) қолданылу мерзімі өткен құжаттарды ұсынбаған жағдайда, мектеп өтінішті қабылдаудан бас тартады.

         Сіз, 1-сыныпқа балаларды қабылдау бойынша қосымша ақпарат алу үшін мектеп әкімшілігіне жүгіне аласыз.

 

«Шахтинск қаласының білім бөлімі» ММ

Оқу жылының аяқталуы және «Соңғы қоңырау» мерекесімен құттықтауымды қабыл алыңыздар! Соңғы қоңырау барлық оқушылар үшін көптен күткен мереке. Атаулы күн оқу жылының аяқталуы мен жазғы демалыстың басталуы болып табылады. Жазғы демалысты жақсы өткізіп, мектепке демалып, мықты болып келулеріңізді тілеймін. Осы жаз барлығымызға ұмытылмастай қызықты, шуақты күндерге толы, жадыраңқы көңіл-күй сыйласын. Оқу жылында қарбалас істер, жарқын мерекелерді бастан өткердік. Алғашқы рет ҚР Білім және ғылым министрлігімен пандемияға байланысты оқушыларды төртінші тоқсаннан бастап қашықтықтан білім беру технологиясымен оқыту бойынша шешімі қабылданды. Осы жағдай барлық білім беру жүйесі үшін үлкен сынақ болды. Осы қиын кезеңде бірлесе атқарған жұмыс үшін алғыс айтамын. Биылғы оқу жылында жан-жақтын жаңа білімге қол жеткіздіңіздер, алдағы оқу жылы да жаңа белестерге жеткізеді деп сенемін! Барлық мектеп оқушыларының ата-аналарына алғыс айтамын. Әр балаға ата-ананың қолдауы маңызды. Ардақты ата-аналар Сіздерге шыдамдылық тілеймін! Денсаулықтарыңыз зор болсын, балаларыңыздың қуанышына бөленіңіздер! Құрметті түлектер, 2020 жыл Сіздер үшін ерекше жыл. Мектеп бітіру- өмірлеріңіздегі маңызды кезеңнің бірі. Сіздер еліміздің тағдырын, оның әрі қарай гүлденуі мен дамуына жауапкершілікті қолға алатын жаңа ұрпақсыздар. Сіздердің жігеріңіз, батылдығыңыз кез-келген тапсырманы шешуге көмектеседі деп сенемін. Құрметті ұстаздар, Сіздерге тағы бір үлкен шығармашылық жұмыстарыңыз үшін рахмет. Зор денсаулық, кәсіби қызметтеріңізге табыс тілеймін! Әрқайсыларыңызға сәттілік серік болсын! Біздің мемлекетімізде әрқашан бейбітшілік, тұрақтылық пен өркендеу болсын.

2020 жылғы 18 мамыр күні 9-11 сынып оқушыларының арасында проведен единый классный час на тему "Адалдық сағаты" тақырыбында бірыңғай сынып сағаты өткізілді. Қамту 1015 оқушы. Мақсаты: оқушылардың бойына парасаттылық және академиялық адалдық туралы түсінік қалыптастыру, өмірдегі адалдықты дамыту сұрақтарында ашық және сенімді қарым-қатынасты, жауапкершілікті құрастыру.

2020 жылдың 15 мамыр мен 31 мамыр аралығында 5 сыныпқа дарынды балаларға арналған «Дарын», «Мұрагер», «Ақпараттық технологиялар», «Зияткер» (Балқаш қ.), «Мектеп-интернат-колледж» (Теміртау қ.), Жамбыл, Н.Нұрмақов атындағы мамандандырылған мектеп-интернаттарына өтініштер қабылданады. «Білім-инновация» лицей-интернатының 7-сыныбына түсу үшін оқушылардың өтініштері қабылдау а.ж. 15 мамыр-15 маусым аралығында жүзеге асырылады.

Ұйым атауы

Тіркеуге арналған сілтеме

Мектептің орналасқан жері

Байланыс телефондары

«Дарын» мамандандырылған мектеп-интернаты

http://tiny.cc/daryn5class

Қарағанды қ.

87212347727

7770354680

«Мұрагер» мамандандырылған мектеп-интернаты

www.tiny.cc/murager2020

Қарағанды қ.

87212500368

Н.Нұрмақов ат. мамандандырылған мектеп-интернаты

http://tiny.cc/nurmakov2020

Қарағанды қ.

87212567232

Жамбыл ат. мамандандырылған мектеп-интернаты

www.tiny.cc/zhambyl2020

Қарағанды қ.

87212451649

«Ақпараттық технологиялар» мамандандырылған мектеп-лицей-интернаты

http://tiny.cc/itlyceum-kabyldau

Қарағанды қ.

87212376422

87756144748

«Зияткер» мамандандырылған мектеп-интернаты

www.tiny.cc/ziatker2020

Балқаш қ.

87103640051

87086276621

«Метеп-интернат-колледж»

https://tiny.cc/1SMART2020

Теміртау қ.

87712830796

87075875785

№1 «Білім-инновация» лицей-интернаты (ерлерге арналған)

karbilimschool.kz

Қарағанды қ.

87212502220

№2 «Білім-инновация» лицей-интернаты (қыздарға арналған)

http://karkizbil2.kz

Қарағанды қ.

87212371102

№3 «Білім-инновация» лицей-интернаты (ерлерге арналған)

Zhezbilim.edupage.org

Жезқазған қ.

87102410099