64888

2019 жылдың 20-23 маусым күндері Шахтинск өңірінде мемлекеттік қызметшілердің күнін өткізуге байланысты «Шахтинск қаласының білім бөлімі» ММ «Мен және менің кәсіби қызметім» атты сурет байқауын өткізді.

2019 жылғы 11 маусым Шахтинск қаласының қалалық паркінде қала әкімі Сержан Жанабекович Аймаковтың қатысуымен және мектеп түлектерімен «Түлектер аллеясы» атты науқан аясында жас ағаштар отырғызылды. Науқанның негізгі мақсаты өсіп келе жатқан жас ұрпақтарды патриотизм мен азаматтықа тәрбиелеу.

2019 жылы 1 маусымда "Балаға мейірімді қала" бастамасы аясында Шахтинск қаласында келесі іс-шаралар  өтті : "Балалар музыкалық оркестрлерінің шеруі" қалалық мерекесі, "Ура! Зажигает детвора" көңіл көтеретін қалалық бағдарламасы  ( "Сиқырлы ойын алаңдары" жұмыс істеді: "Сабын көпіршіктерінің шоуы",  музыкалық алаң, би флешмобы, ұлттық ойындар (асық, бестас, тоғызқұмалақ), аквагрим,  "Шеберлер қаласы" (тастанды материалдардан бұйымдар жасау), "Полиглотик" (викториналар үш тілде), "Виртуозные гонки" (самокаттар мен велосипедтердегі эстафета), ғылыми -техникалық бағыттағы үйірмелер жұмыстарының көрмесі (кеме моделизм және робототехника), кітап алаңы ( Шахтинск қаласының балалар кітапханасы ұйымдастырды). И.Әубакіров атындағы балалар көркемсурет мектебі қызықты шеберлік -сыныптар өткізді: қыш шеңберде құмыраны дайындау, линогравюра, табиғаттан сурет салу, кескіндеме.

Мектеп командалары бойынша шағын футбол мен «Асық ойыны» жарыстары ұйымдастырылды.

          Балалар музыкалық мектебі және Балалар -жасөспірімдер орталығы өздерінің тәрбиеленушілерінің қатысуымен концерттік бағдарлама ұйымдастырды және өткізді.

          Сонымен қатар, балалар -жасөспірімдер орталығы мен қала мектептері (№ 1 гимназия, № 3 ЖББМ, № 5 гимназия, № 6 ЖББМ, Ә.Бөкейханов атындағы мектеп-лицей) қайырымдылық жәрмеңкесін ұйымдастырып, өткізді. Жиналған қаражат "Дені сау қоғам -2050" мүгедектердің қоғамдық бірлестігіне жіберілді.

Подробнее...  

2019 жылдың мамыр айының 23-24 аралығында Қарағанды қаласында Қарағанды облысы білім беруді дамытудың оқу-әдістемелік орталығы «Шаг» компьютерлік Академиясымен бірлесіп, оқушылардың шыңғармашылық қабілеттерін дамыту мақсатында «ITeens 2019» облыстық байқауын ұйымдастырды. Облыстық байқау аясында  бағдарламалау бойынша олимпиада және балалар білімдік  хакатоны ұйымдастырылды.

Шахтинск өңірінен бағдарламалау бойынша олимпиадаға № 1 гимназия 8 сынып оқушылары Виниченко Антон және  Тасмасыс Данил, ал   Хакатонға  № 1 гимназия 8 сынып оқушысы  Султанов Денис қатысты. Байқау нәтижесіне сәйкес, «3D моделировании» номинациясы бойынша Султанов Денис 2 орын иеленді.

Подробнее...  

2019 жылдың наурыз айынан мамыр айына дейінгі аралықта «BILGE» халықаралық ақыл-ойды дамыту орталығының ұйымдастыруымен «Bilgen Baige», «Bilgen Alaman» пәндік олимпиадаларының мектепшілік, қалалық, облыстық кезеңдері өткізілді. Мамыр айының 10-12 аралығында 4 кезеңге өткен оқушылар үшін  Қазақстанның барлық өңірлерінде республикалық кезең өткізілді.Нұр-сұлтан қаласында ұйымдастырылған республикалық кезең нәтижесі бойынша Шахтинск өңірінен  № 5 гимназиясының 1 сынып оқушысы Ешмағамбетова Аяжан математика пәні бойынша 1 орын,               № 1 гимназиясының 8 оқушысы Бирюков Никита ағылшын тілі пәнінен 2 орын, № 9 жалпы білім беру мектебінің 3 сынып оқушысы Шайзанда Ақбота қазақ тілі пәні бойынша 2 орын иеленіп жүлдегер атанды.

Қатысушылар  «BILGE» халықаралық ақыл-ойды дамыту орталығының дипломдарымен, мадақтамаларымен марапатталып, жүлделі орын алған оқушыларға «Кемеңгер», «Білімді» медальдары  табыс етілді.   

Подробнее...  

     2019 жылдың 23 мамырында «Шахтинск қаласының № 5 гимназиясы» КММ түлектері «Ақ тырна» атты қайырымдылық акциясын өткізді. Бұл қайырымдылық шарасы отбасыларына жатпайтын және балалар үйлерінде тәрбиеленетін балаларға көмектесу үшін күштер мен құралдарды біріктіруге арналған. Бітірушілер оны «Ақ тырна» деп атады, өйткені бұл құс кіршіксіз таза және үміт пен риясыздық белгісі болып саналады

     Мектеп түлектері Шахтинск қаласының мектептерінің түлектерін акцияға қатысуға шақырды. Барлық түлектер шақыруды қуанышпен қабылдады. Акция барысында көптеген ойыншықтар, үстел ойындары, балаларға арналған кітаптар, доптар мен басқа ойыншықтар жиналды.

Акция барысында жиналған барлық сыйлықтарды «Осакаровка ауданының Литвинск балалар үйі» КММ балаларына тапсыру жоспарланып отыр.

   Түлектер «Ақ тырна» атты бұл бастаманы ары қарай дәстүрлі жалғастыруды шешті.

Іс-шараға қатысқандардың жалпы саны шамамен 80 адамды құрады.

Подробнее...  

2019 жылдың 20-21 мамыр күндері «Шахтинск қаласы әкімдігінің № 5 гимназиясы» КММ Қарағанды қаласының педагогикалық шеберлік орталығымен жасалған меморандум аясында семинарлар реті өтті. Семинарға 100 адам қатысты: білім беру ұйымдарының директорлары, білім бөлімінің әдіскерлері, мектепке дейінгі ұйымдардың әдіскерлері, бастауыш сынып мұғалімдері, пән мұғалімдері. Семинар барысында келесі сұрақтар талқыланды: мектепте білім беру сапасын арттыру, сабақты, lesson study жоспарлау. Семинар ретін ұйымдастырғаны және өткізгені үшін Ольга Георгиевна Сурначеваға және Қарағанды облысының педагогикалық шеберлік орталығы филиалының  қызметкерлеріне шексіз алғыс білдіреміз.

Подробнее...  

2019 жылдың 16 мамыр күні «Қарағанды қаласының Достық үйі» ХХ республикалық Абай оқуларының облыстық кезеңі болып өтті. Шахтинск қаласының қазақ тілінде оқытатын мектептерінің 5 – 11 сынып оқушылары арасында жеңімпаз атанған 5 оқушы қатысты.

Республикалық Абай оқуларының облыстық кезеңнің қорытындысы бойынша Шахтинск қаласының төмендегі оқушылар марапатталды: «Ұлылар әлемі» бағыты бойынша  «Ә.Бөкейханов атындағы мектеп-лицейі» КММ 8 сынып оқушысы, Арапбаева Назира – сертификат, «Өлең-сөздің патшасы, сөз сарасы» бағыты бойынша «Ә.Бөкейханов атындағы мектеп-лицейі» КММ 5 сынып оқушысы, Тилеу Али - мадақтама, «Жүйріктен жүйрік озар жарысқанда» бағыты бойынша – «Ә.Бөкейханов атындағы мектеп-лицейі» КММ 9 сынып оқушысы, Нурпайзов Берик – мадақтама, «Абайдың қара сөздері» бағыты бойынша – «№5 гимназия» КММ 6 сынып оқушысы, Мирбекқызы Аружан – ІІІ дәрежелі диплом, «Көңілім әнді ұғады» бағыты бойынша – «Ә.Бөкейханов атындағы мектеп-лицейі» КММ 10 сынып оқушысы, Имангалиева Айсара - ІІІ дәрежелі дипломмен марапатталды.

Подробнее...