8(72156)64888

Мемлекеттік көрсетілетін қызметтердің сапасын арттыру мақсатында Қазақстан Республикасы Мемлекеттік қызмет істер агенттігімен«Digital agent» (Цифрлық агент) мобильді қосымшасы іске қосылған. Аталған мобильды қосымшаның ерекшелігі қызмет алушы мемлекеттік көрсетілетін қызметтің сапасын шынайы уақыт режимінде бағалай алады. Ол үшін «Play Market» және «App Store» сервистік бағдарламалары арқылы мобильді қосымшаны жүктеп, орнатылғаннан кейін тіркеуден өту қажет. Содан соң, бағалайтын қала мен мекемені таңдайды. Бағалау жолданғаннан кейін Агенттіктің тиісті аумақтық бөлімшелерінің жауапты тұлғалары өз құзыреті шегінде әрекет етеді. Бүгінгі таңда қызмет алушылар Халыққа қызмет көрсету орталықтарының, қала және аудандық мемлекеттік кірістер басқармаларының, еңбек, әлеуметтік қорғау және көші-қон комитетінің департаментімен сондай-ақ, қала және аудандық халықты жұмыспен қамту орталықтарымен көрсетілетін мемлекеттік қызметтердің сапасын бағалай алады. Енді әрбір азамат көрсетілген мемлекеттік қызмет бойынша кері байланыс бере отырып, мәселесін шеше алады. ҚР МҚІА Қарағанды облысы бойынша департаменті

Қазақстан Республикасы Білім және ғылым министрі 2020 жылғы  1 сәуірдегі №123 бұйрығы негізінде Шахтинск өңірінің жалпы білім беру мектептерінде 2020 жылғы 6 сәуірден бастап төртінші тоқсанның басынан бастап қашықтықтан білім беру технологияларын пайдалана отырып, мектепалды, 1-11 сынып оқушыларын оқыту басталды.

       Қашықтықтан оқытуды жүргізу үшін жалпы білім беру мектептері  Daryn.online.kz және Googl Classroom технологиялар қолданады.

Білім беру процесіне қатысушылар білім беру платформаларына және басқа да электрондық көздерге (бейне сабақтар, дербес   онлайн-жұмыс, электрондық журнал, веб-сабақтар, ЕЛ АРНА, Balapan арналарында телекоммуникациялық желілер арқылы теледидар сабақтарын қазақ және орыс тілдерінде көрсету) тегін қолжетімділікті пайдаланады. Білім беру үдерісінің барлық қатысушылары білім беру платформаларына қол жеткізе алады.

 

Мемлекеттік қызметтерді үйден шықпай, www.egov.kz «электрондық үкімет» веб-порталы, eGov.mobile және Telegram-Bot ұялы телефон қосымшалары арқылы алыңыздар.

Бірыңғай байланыс орталығына 1414 нөмірі бойынша қоңырау шалу арқылы сіз мемлекеттік қызметтерді алу мәселесі бойынша кеңес ала аласыз. Қоңырау шалу тегін.

Өзіңізді және жақындарыңызды қорғаңыз!

 

Шахтинск қаласы әкімінің аппараты

       20.02.2020 жылы "Қарлығаш "Сәбилер-бақшасы" КМҚК базасында "QÝYRSHAQ"педагогикалық жобасы аясында қалалық семинар өтті. Семинарға балабақша әдіскерлері мен қала тәрбиешілері 35 адам қатысты. Жоба аясында "Аленка" с/б, "Березка" с/б, "Ботагоз" с/б, "Гүлдер" с/б, "Еркетай" с/б, "Қарлығаш" с/б, "Салтанат" с/б, "Снегурочка"с/б педагогтары жобадағы өз тәжірибесін жинақтады.

        Семинарда мектепке дейінгі жастағы балалардың ойын әрекетін ұйымдастыру бойынша әр түрлі әдіс-тәсілдер ұсынылды. Педагогтер жоба шеңберінде инновациялық іс-әрекет пен тәсілдерді апробациядан кейін өздерінің шығармашылығымен, креативті ойларымен, ойын материалының алуан түрлілігімен және көп функциялылығымен таң қалдырды.

       Семинар достық, шығармашылық атмосферада өтті және ол қатысушылардың жүрегінде ұзақ уақыт қалатыны сөзсіз.

Құрметті ата-аналар! "Іңкәрім" мектепке дейінгі академиясында балаларды қабылдау жалғасуда. 2020 жылдың 6 ақпанынан бастап келесі жас ерекшеліктері бойынша қосымша орындар ашылды:
1-2 жас -31 бос орын;
2-3 жас -26 бос ооын;
3-6 жас- 19 бос орын.
Іңкәрім балабақшасына электронды жолдаманы Indigo24.kz порталында ата-ананың "жеке кабинеті" арқылы аласыздар.
Барлық сұрақтарға жауапты "Іңкәрім" мектепке дейінгі академиясы" ЖШС 87754570580 телефоны немесе Московская көшесі, 27а мекенжайы бойынша алуға болады.

       2020 жылдың 4 ақпанында Шахтинск қаласының №5 мектеп -гимназиясының базасында аймақ ұстаздарының шығармашылық мүмкіндігін көрсету мақсатында қазақ тілі мен әдебиеті мұғалімдері үшін «Жаңартылған білім беру мазмұны:оқыту мен оқудағы жаңа  әдіс-тәсілдер» атты облыстық семинар өткізілді.

Семинарға Қарағанды,  Саран, Шахтинск  қалалары мен Осакаровка, Жаңаарқа  аудандарының қазақ  тілі мен  әдебиеті мұғалімдері қатысты.(33 адам)

 Семинар қатысушылары үшін «Ұлы дала есімдері» атты көрме ұйымдастырылып, 2-10 –сыныптарда қазақ және орыс мектептері үшін практикалық – бағдарлы әрекеттегі ықшамсабақтар мен  шебер-сыныптар  жүргізілді.

Шығармашылық шеберлік барысында қазақ тілі сабақтарындағы сараланған тәсілдер мен жиынтық бағалауға арналған тапсырмаларды әзірлеу әдістемелері туралы тәжірибе таратылды. Сондай-ақ, қосымша білім берудегі әдебиет пен бейнелеу өнерінің сабақтастығы ретінде «А.Құнанбаев – өнер әлемінде» атты шебер сынып келген семинар қатысушыларының ерекше ықыласына ие болды.

Семинар қорытындысы «Өз елімді өзек етем жырларыма» атты әдеби-сазды концертпен бекітілді.

Кейін педагогтар өз диалогтарын рефлексияда жалғастырды, ол жерде жаңартылған мазмұн  шеңберіндегі  сабақтарда ынталандыру әдіс-тәсілдері жайлы мәселелер мен  өткізілген сабақтар мен шебер сыныптар талқыланды.

2020 жылғы 6 ақпан күні Балалар-жасөспірімдер орталығында  Халықаралық робототехника фестивалі, бағдарламалау және инновациялық технологиялар «Roboland 2020» дайындық аясында, «RoboLego - 2020»  робототехникадан қалалық турнирі өтті.

Қалалық турнирге Шахтинск қаласының білім беру ұйымдарынан бастапқы және жалғастырушы топтардан 19 команда қатысты.

Бастапқы командалар арасынан  1 орынға Балалар-жасөспірімдер орталығының «Батарейки» командасы, 2 орынға № 6 жалпы білім беру мектебінің  «РЕССИ_ v1.1» командасы, 3 орынға № 7 жалпы білім беру мектебінің  «LINE» командасы ие болды.

Жалғастырушы командалар арасынан: 1 орынға № 2 жалпы білім беру мектебінің «Лидеры» командасы,   2 орынға Ә.Бөкейханов атындағы мектеп-лицейінің  «Арлан» командасы , 3 орынға Балалар-жасөспірімдер орталығының «RoboBox» командасы ие болды.

Барлық қатысушылар мақтау қағаздары мен сыйлықтармен марапатталды.